وزیرِ اعظم عمران خان سے ارکانِ قومی اسمبلی کی ملاقات

ویب ڈیسک (اسلام آباد )وزیرِ اعظم عمران خان سے ارکانِ قومی اسمبلی نیملاقات کی ۔ملاقات میں مشیرِ تجارت و سرمایہ کاری عبدالرزاق داد، معاونِ خصوصی برائے سیاسی امور ملک عامر ڈوگر، ارکانِ قومی اسمبلی عاصم نذیر، رضا نصراللہ گھمن، خرم شہزاد اور صنعت کار شاہد نذیر شریک تھے ۔

ملاقات میں ملکی سیاسی صورتحال، بجٹ میں عوام کے ریلیف اور صنعتوں کی سہولت و ترقی کیلئے شامل اقدامات پر بات چیت ہوئی ۔عاصم نذیر نے وزیرِ اعظم کو ٹیکسائل شعبے سے متعلقہ معاملات ، خصوصا موجودہ حکومت کے اقدامات کے نتیجے میں ٹیکسٹائل کے شعبہ جات کا فروغ اور ترقی، برآمدات میں شعبے کا کردار سے متعلق تفصیلی بریف کیا ۔ شعبے کی مزید بہتری و فروغ کے حوالے سے حل طلب معاملات اور تجاویز بھی وزیر اعظم کو پیش کیں.