ویب ڈیسک (جمرود)جمرود میں مویشی منڈیوں میں مہنگائی کا طوفان آ گیا جہاں پر بیوپاریوں نے دیکھا دیکھی مویشیوں کی قیمتیں آسمان پر پہنچا دیں،مویشی منڈیوں میں آخری دن مویشیوں کی قیمتوں میں مزید اضافہ کر دیا گیا ہے،مویشی کی قیمتیں بڑھنے سے گاہکوں کی تعداد میں بھی کمی آگئی۔
مویشیوں کی آسمان سے باتیں کرتی قیمتیں سن کر شہری پریشان ہیں ، شہریوں نے کہا کہ مویشی اس قدر مہنگے ہیں کہ سنت ابراہیمی کی ادائیگی بھی مشکل دکھائی دے رہی ہے توکپڑوں اور جوتوں کی خریداری کیسے کریں قیمتوں میں کمی لایا جائے تاکہ کوئی قربانی سے نہ رہ جائے۔بڑے مویشی ایک لاکھ تیس ہزار سے بڑھ کر ایک لاکھ پچاس ہزار ہے جبکہ دنبوں کی قیمت 35 ہزار سے 45 ہزار اور بکریوں کی قیمت 25ہزار سے تیس ہزار ہے۔