ویب ڈیسک(پشاور) ریسکیو1122 کا باجوڑ راغگان ڈیم میں سرچ آپریشن جاری ہے۔
ترجمان ریسکیو1122 کے مطابق ریسکیو1122 کا آپریشن بلاتعطل کل سے جاری ہے، ریسکیو1122 کی تازہ دم خصوصی غوطہ خور ٹیم پشاور سے بھی آپریشن میں حصہ لے رہے ہیں، اس وقت ریسکیو1122 باجوڑ، پشاور، سوات اور لوئر دیر کی ٹیمیں سرچ آپریشن میں مصروف ہیں۔
گزشتہ روز دلخراش واقعے میں 11 افراد کو نکالا گیا تھاجس میں سے ڈاکٹروں نے 4 افراد کے جاں بحق ہونے کی تصدیق کر لی تھی ۔سانحہ راغگان ڈیم کے واقعہ سے پورا علاقہ غمزدہ ہے۔
ذرائع کے مطابق 6 افراد زیر علاج اور 1 کو ہسپتال سے ڈسچارج کیا گیا، جائے حادثہ پر 3 لاپتہ افراد کے رشتہ دار ریسکیو1122 کے ساتھ مکمل رابطے میں ہیں۔
