ویب ڈیسک(پشاور): خیبرپختونخوا کابینہ کا اجلاس آج طلب کر لیا گیا۔کابینہ اجلاس 18 نکاتی ایجنڈے پر مشتمل ہے۔پوسٹ گریجویٹ میڈیکل انسٹیٹیوٹ ترمیمی بل، انوارمنٹل پروٹیکشن ٹریبونل کے ممبران کی تعیناتی اوارسکولز بیگز سمیت دیگر نکات ایجنڈے میں شامل ہیں۔
اعلامیہ میں بتایا گیا ہے کہ پاکستان اور چین کے درمیان سسٹر سٹی اور سسٹر پراونس تعلقات قائم کرنے کی منظوری بھی ایجنڈے میں شامل ہوگی، کابینہ پی اے ایف سے صوبائی حکومت کے ہیلی کاپٹرز کے آپریشن اور دیکھ بھال کے معاہدے کی منظوری بھی دے گی۔
اعلامیہ میں مزید بتایا گیا ہے کہ کے پی اسپشل پولیس فورس کے 98 شہداء کے لیے اسپشل پیکج کی منظوری بھی کابینہ ایجنڈا میں شامل ہے۔