ویب ڈیسک: غیر ملکی خبر رساں ادارے کے مطابق ا قوام متحدہ کے ڈپٹی کمشنر برائے مہاجرین کیلی کلیمنٹس نے خدشہ ظاہر کیا ہے کہ افغانستان پر طالبان کے قبضےکہ بعد بڑھتی کشیدگی اور بحران کے سبب 5لاکھ لوگ ملک چھوڑ سکتے ہیں۔
کیلی کلیمنٹس نے افغانستان کے پڑوسی ممالک سے سرحدیں کھلی رکھنے کی اپیل کی ہے ۔ اپنے ایک پریس بریفنگ میں ان کا کہنا تھا کہ افغانستان کے حالات دن بد ن خراب ہوتے جارہے ہیں ،جس کی وجہ سے بڑے پیمانے پر افغانیوں کے نکل مکانی کا خدشہ ہے ۔ انہوں نے مزید کہا کہ موجودہ حالات کے پیش نظر ہم تقریباً 5لاکھ کے قریب پناہ گزینوں کی تیاری کر رہے ہیں۔