ویب ڈیسک (پشاور)عوامی نیشنل پارٹی کی خاتون رکن صوبائی اسمبلی ثمر بلورنےالیکٹرانک ووٹنگ مشین کومسترد کرتے ہوئے کہاہےکہ ان کےمشین بارےدعوے زبانی جمع خرچ کےعلاوہ کچھ نہیں۔
پشاورمیں پریس کانفرنس کرتےہوئے ثمربلورکا کہنا تھاکہ الیکشن کاانعقادالیکشن کمیشن کی ذمہ داری ہے، مشینوں سے الیکشن کرانے والےپھرسےدھاندلی کرینگے۔
انہوں نےکہا کہ پی ٹی آئی کی حکومت ہرمحاذ پرناکام ہوچکی ہے۔غریب ملک کو حکمران پہلے ہی یہ قرضوں میں ڈبوچکے ہیں،ای وی ایم سسٹم استعمال کرنےوالےممالک کے حالات اورطریقہ کارکوبھی پہلےدیکھ لیں۔
انہوں نےالزام لگایا کہ کنٹونمنٹ بورڈ الیکشن پرصوبائی وزراءاثراندازہورہےہیں۔
انہوں نے سوال اٹھایا کہ الیکشن کمیشن نے انہیں پارٹی پیغام پہنچانے سے روک دیاجبکہ صوبائی وزراء وہاں ترقیاتی کاموں کا لالچ دیتے پھر رہے ہیں، انہیں کون روکے گا؟