ویب ڈیسک(پشاور): محکمہ موسمیات نے خیبر پختونخوا میں بارشوں کی پیشن گوئی کی ہے ۔
محکمے کا کہنا ہے کہ صوبے کے بعض اضلاع میں آج شام سے بارشوں اورتیزہوائوں کا نیاسلسلہ شروع ہونے کاامکان ہے ۔
اس حوالے سے پی ڈی ایم اے خیبر پختونخوانے ضلعی انتظامیہ اورمتعلقہ اداروں کومراسلہ بھی جاری کر دیا ہے ۔
یہ بھی پڑھیں:پشاورمیں شدید گرمی اور حبس کےہاتھوں شہری بےحال
مراسلے کے مطابق کوہستان ، شانگلہ ، مانسہرہ ، ایبٹ آباد ، ہری پور ، مردان ، چارسدہ ، نوشہرہ ، دیر ، چترال ، پشاور ، کوہاٹ اور وزیرستان میں وقفے وقفے سے بارش کا امکان ہے ۔
تیزبارشوں کے پیش نظرضلعی انتظامیہ اورمتعلقہ اداروں کو پیشگی اقدامات کرنے اورالرٹ رہنے کی ہدایات بھی جاری کی گئیں ہیں۔