ویب ڈیسک :طالبان کے نامزدوزیر اعظم ملاحسن اخوندنے کہا ہے کہ ہم افغانستان میں ا سلامی نظام قائم کرناچاہتے ہیں جس میں سب کی بھلائی،کامیابی اور فلاح وبہبود ہو۔ الجزیرہ ٹی وی سے گفتگوکرتے ہوئے ملا محمدحسن اخوند کا کہنا تھا کہ نگراں حکومت غیرملکی سفارتکاروںاوراداروں کی حفاظت کی ضمانت دے گی ۔
خطے اوراس سے باہرکے ممالک کے ساتھ مثبت اور مضبوط تعلقات چاہتے ہیں۔انہوں نے کہا کہ ہمیں افغانستان کی تاریخ کے اس تاریخی لمحے کے لیے مالی اورجانی نقصان کا سامنا کرناپڑا۔
افغانستان میں خونریزی ،قتل و غارت کامرحلہ ختم ہوچکا،ہم نے اس کی بڑی قیمت چکائی ہے۔ان کامزید کہناتھاکہ افغانستان میں عام معافی کااعلان کیاہے ،کوئی انتقامی کارروائی نہیں ہوگی ۔