ویب ڈیسک: صدر پاکستان نے محمد اجمل گوندل کی بطور آڈیٹر جنرل پاکستان تعیناتی کی منظوری دی ہے۔ آڈیٹر جنرل پاکستان ایک آئینی عہدہ ہے جس پر تعیناتی عرصہ 4 سال کے لئے کی جاتی ہے۔محمد اجمل گوندل پاکستان آڈٹ اینڈ اکانٹس سروس کے سینئر ترین حاضر سروس ملازم ہیں جن کا شمار انتہائی قابل افسران میں ہوتا ہے۔
اس سے قبل محمد اجمل گوندل اہم پوسٹوں پر خدمات سر انجام دے چکے ہیں جن میں ممبر فنانس پاکستان اٹامک انرجی کمیشن ، کنٹرولر جنرل آف اکائونٹس پاکستان، 55 ویں اکائونٹنٹ جنرل خیبرپختونخوا اور ڈائریکٹر جنرل فیڈرل آڈٹ اسلام آباد شامل ہیں ۔ ان کا تعلق 14 سی ٹی پی سے ہے اور ان کی حلف برداری کی تقریب آئندہ ہفتے کو متوقع ہے۔