ویب ڈیسک (پشاور)صوبےکےمختلف اضلاع میں فائرنگ کے واقعات میں خاتون سمیت پانچ افرادکو قتل جبکہ چارکو زخمی کردیاگیازخمیوں میں بھی دو خواتین شامل ہیں۔
پولیس کے پاس درج کرائی گئیں رپورٹس کے مطابق ہنگو کےعلاقہ درسمند میں بیوی پر تشدد سےمنع کرنےپرایک شخص نے بیوی کےساتھ بھائی کو بھی قتل کر دیا۔ملزم کو آلہ قتل سمیت پولیس نےگرفتارکرلیا ۔
ہنگو ہی کے ایک اورعلاقہ شناوڑی میں دوست نے فائرنگ کرکے واجد نامی شخص کو زخمی کر دیا۔ادھر چارسدہ میں موٹر سائیکل پر ڈاکٹر کے پاس جانے والے ماں بیٹے پر پوردل آبا د عمرزئی کے قریب فائرنگ کر دی گئی جس سے بیٹا جاں بحق جبکہ اس کی والدہ شدید زخمی ہوگئی۔
صوابی کے علاقے اسماعیلہ میں ایک شخص کو فائرنگ کر کے قتل کر دیاگیا جبکہ لوئر دیر میں تحریک انصاف کے سینئر نائب صدرندیم کو ان کے علاقہ جبگئی میں واقع گھر کی دہلیز پر فائرنگ کر کے قتل کر دیا گیا فائرنگ سے ان کی والدہ اور بھائی بھی شدید زخمی ہوگئے۔
