ویب ڈیسک (کراچی)نومنتخب چیئرمین پی سی بی رمیز راجہ نے اپنی تمام تر ذمہ داریاں احسن طریقے سےنبھانے کاوعدہ کرلیا۔
انہوں نے چیئرمین پی سی بی بننے کےبعد سماجی رابطے کی ویب سائٹ ٹوئٹرپرجاری اپنےپیغام میں نیک خواہشات کا اظہارکرنےوالوں کاشکریہ ادا کیااور کہا کہ یہ پیغامات ان کے لیے بہت معنی رکھتے ہیں۔
نومنتخب چیئرمین پی سی بی نے اپنے پیغام میں یہ بھی کہا کہ میں اپنے عہدے کے دوران شفاف رہنے کا وعدہ کرتا ہوں۔
رمیزراجہ کا کہنا تھا کہ وہ شائقین کرکٹ سے رابطے میں رہنے کےلیے ہرہفتے سوال و جواب کا سیشن کریں گے۔
واضح رہے کہ گزشتہ روز پاکستانی کرکٹ ٹیم کے سابق کپتان رمیز راجا نے نئی اننگز شروع کردیں، وہ احسان مانی کی جگہ تین سال کے لیے بلامقابلہ پاکستان کرکٹ بورڈ کے 36 ویں چیئرمین منتخب ہوگئے ہیں۔
