firng in nkohat

کوہاٹ: پولیوٹیم پرفائرنگ،ڈیوٹی پرمامورپولیس اہلکارجاں بحق

ویب ڈیسک (کوہاٹ)کوہاٹ کے علاقہ ڈھل بہزادی میں نامعلوم افراد انسداد پولیو ٹیم پر فائرنگ کرکے فرار ہوگئے، واقعے میں انسداد پولیو ٹیم کی سیکیورٹی پر مامور پولیس اہلکار جاں بحق ہوگیا۔

واقعے کی اطلاع ملتے ہی پولیس اہلکاروں اور امدادی رضاکاروں کی ٹیم موقع پر پہنچ گئی، جاں بحق اہلکار کی نعش قریبی اسپتال منتقل کردی گئی جہاں ضابطے کی کارروائی کے بعد میت کو لواحقین کے سپرد کردیا گیا۔

یہ بھی پڑھیں:خیبر پختونخوا میں آج سے انسداد پولیومہم شروع

تفصیلات کے مطابق پولیس نے شواہد اکٹھے کرکے ملزمان کی گرفتاری کے لئے سرچ آپریشن شروع کردیا ہے۔

واضح رہے کہ ملک بھر میں بالعموم اورخیبر پختونخوا میں بالخصوص انسداد پولیو مہم میں شامل رضاکاروں اور پولیس اہلکاروں کو شر پسندوں کی جانب سے نشانہ بنایا جارہا ہے۔