meat

بُھناہواگوشت بنانےکی ترکیب

گوشت
ویب ڈیسک :گوشت فارسی زبان کا لفظ ہے، بکرے کے گوشت کو چھوٹا گوشت اور بیل، گائے یا بھینس وغیرہ کے گوشت کو بڑا گوشت کہتے ہیں۔ سائنسی طور پر گوشت ایک صحت مند کھانا تصور کیا جاتا ہے کیونکہ اس میں لحمیات (پروٹین ) خاصی تعداد میں ہوتے ہیں-

ذرائع
گوشت ہمیں مختلف جانوروں کے ذریعے سے حاصل ہوتا ہے-اسلام میں ہر جانور کا گوشت حلال نہیں بلکہ چند مخصوص جانور ہی ہیں کہ جن کا گوشت حلا ل ہے – ان جانوروں میں گا ئے، بیل، بکرا، اونٹ ،ہرن اور مچھلیوں کی زیادہ تر اقسام شامل ہیں – اس کے علاوہ پرندوں کی چند اقسام بھی حلال ہیں- مسلمان انہی جانوروں کو حلا ل طریقے سے ذبح کر کے ان کا گوشت کھاتے ہیں –

پکوان
گوشت کو مختلف طریقوں سے پکا کر کھا یا جا سکتا ہے مثلا بھون کر یا ابال کر- بر صغیر پاک و ہند میں گوشت کے کئی پکوان بنائے جاتے ہیں جیسے کہ قورمہ، بریا نی، نہاری وغیرہ- عید کے موقع پر گوشت سے طرح طرح کے مزیدار پکوان بنائے جا تے ہیں جن میں باربی کیو، تکہ وغیرہ شامل ہیں-تو آج ہم بھنا ہوا گوشت بناتے ہیں۔


اجزاء
گوشت 1/2کلو، دہی 1/2کپ، لہسن‘ادرک پیسٹ 1کھانے کا چمچہ، ہلدی پاؤڈر ایک چائے کا چمچہ، تیل حسب ضرورت، ثابت دھنیا 1چائے کا چمچہ، لیموں (رس نکال لیں) 2عدد، نمک حسب ذائقہ، لال مرچیں(کُٹی ہوئی) 1چائے کا چمچہ، زیرہ(کُٹا ہوا) 1چائے کا چمچہ، پیاز(باریک چوپ کرلیں) 2عدد، ہرادھنیا‘ہری مرچیں 2چائے کے چمچے(چوپ کرلیں)، کچری(پیس لیں) 1کھانے کا چمچہ

تیار کرنے کی ترکیب۔

سب سےپہلے گوشت میں دہی،نمک،کُٹی ہوئی لال مرچیں،ہلدی پاؤڈر،زیرہ،لہسن،ادرک پیسٹ،ثابت دھنیا،کچری،ہرادھنیا اور ہری مرچیں لگا کر 1گھنٹہ رکھیں۔پھرایک سوس پین میں تیل گرم کرکے اس میں پیاز فرائی ڈال کر کریں اور اس کے بعد میرینیٹ کیا ہوا گوشت ڈال کر ہلکی آنچ پر پکائیں جب گوشت گل جائے تو بھون کر سرونگ ڈش میں نکال لیں اور لیموں کا رس چھڑک کر شروع کریں۔