معروف امریکی گلوکارہ برٹنی سپئیرزآخرکار عدالتی جنگ جیت کر اپنے والد کی سرپرستی سے آزاد ہو گئی ہیں۔لاس اینجلس کے ایک جج نے برٹنی کے والد جیمی سپیئرز کو اپنی بیٹی کی جائیداد کے نگران کے طور پر معطل کر دیا ہے اور گلوکار ہ اور اس کے وکیل کی جانب سے اس کے مالی معاملات کی نگرانی کے لیے منتخب کردہ عارضی متبادل نامزد کر دیا ہے۔واضح رہے کہ متعدد بار گلوکارہ نے اپنے والد کی سرپرستی کے خلاف عدالت سے رجوع کیا تھا تاہم بیٹی کے معاملات وجائیداد کی نگرانی بھی جیمی سپئیرز کو عدالتی احکاما ت پر ہی ملی تھی۔
