ویب ڈیسک: طالبان رہنماؤں نے ایک بار پھر دوسرے ممالک سے مطالبہ کیا ہے کہ وہ کابل میں اپنے سفارت خانے اور مشن دوبارہ کھولیں۔ اس سلسلے میں طالبان نے گزشتہ روز وزارت خارجہ میں غیر ملکی سفارتکاروں اور سیاسی نمائندوں کے لیے ایک استقبالیہ کی میزبانی بھی کی۔
پاکستان ، ترکی ، چین اور روس سمیت متعدد ممالک نے کابل میں سفارت خانے کھولے ہیں ، لیکن ابھی تک طالبان حکومت کو تسلیم نہیں کیا۔
طالبان کے نائب وزیر خارجہ امیر خان متقی نے کہا کہ انہوں نے اقتدار کی منتقلی کے دوران غیر ملکی سفیروں کے ساتھ ذمہ دارانہ سلوک کیا۔
طالبان کے نائب وزیراعظم ملا عبدالغنی برادر نے بھی تمام ممالک سے سفارتخانے اور سیاسی مشن کھولنے کا مطالبہ کیا۔
