ویب ڈیسک (پشاور)خیبرپختونخوا نیشنل ہاکی لیگ کا میلہ کل چار اکتوبر سے لالہ ایوب ہاکی سٹیڈیم پشاور میں سجے گاجس کے لئے تمام انتظامات مکمل کرلئے گئے ہیں،لیگ میں پاکستان ہاکی کے انٹر نیشنل کھلاڑیوں پر مشتمل آٹھ ٹیمیں شرکت کررہی ہیں،تمام ٹیمیں پشاور پہنچناشروع ہوگئی ہیں ۔
پاکستان کی تاریخ کی سب سے بڑی ہاکی لیگ کا باضابطہ افتتاح سہ پہر چاربجے وزیراعلیٰ خیبرپختونخوامحمود خان کرینگے،ڈائریکٹرجنرل سپورٹس اسفندیارخان خٹک نےمیڈیا سےگفتگوکرتے ہوئےبتایاکہ ہاکی لیگ میں پشاور فالکن ، ملاکنڈ ٹائیگرز ، ڈیرہ اسماعیل خان سٹالین، ہزارہ واریئرز، بنوں پنتھرز، مردان بیرز،ٹرائیبل لائنزاورکوہاٹ ایگلز شامل ہیں۔
لیگ کےتحت تمام میچز صوبے کے مختلف آسٹرو ٹرف پرکھیلے جائیںگےجن میں ڈی آئی خان ، بنوں ، کوہاٹ ، پشاور ، چارسدہ اور مردان شامل ہیں۔ پہلی پوزیشن حاصل کرنے کی والی ٹیم کو 10 لاکھ روپے دوسری پوزیشن حاصل کرنے والی ٹیم کو پانچ لاکھ روپے جبکہ تیسر ی پوزیشن حاصل کرنے والی ٹیم کوتین لاکھ روپے اور چوتھی پوزیشن حاصل کرنے والے ٹیم کو ایک لاکھ روپے نقد انعامات دیئے جائیں گے۔
انہوں نے بتایا کہ لیگ کی ہر ٹیم میںپاکستان کے دو انٹرنیشنل سینئر اور دو جونیئر کھلاڑی شامل ہیں جبکہ دیگر کھلاڑی مقامی ہوں گے جس کا مقصد کھلاڑیوں کو انٹرنیشنل پلیئرز کیساتھ کھیلنے کا موقع فراہم کرنا ہے تا کہ وہ اپنے کھیل میں بہتری لاسکیں۔
