ویب ڈیسک: پاکستان پیپلزپارٹی کے چیئرمین بلاول بھٹو زرداری کی بہن بختاور بھٹو زرداری کے ہاں بیٹے کی پیدائش ہوئی ہے، جس کے بعد سابق صدر آصف زرداری نانا اور بلاول بھٹو زرداری ماموں بن گئے ہیں جبکہ آصفہ بھٹو زرداری خالہ بن گئی ہیں۔
سماجی رابطے کی ویب سائٹ ٹوئٹر پر بختاور بھٹو نے اپنے ہاں بیٹے کی پیدائش کی خوشخبری سنائی کہا کہ ان کے ہاں 10 اکتوبر کو بیٹے کی ولادت ہوئی ہے جس پر وہ بہت خوش ہیں۔
بلاول بھٹو نے ٹوئٹ کیا کہ وہ آفیشلی ماموں بن گئے۔
آصفہ بھٹو زرداری نے بھی ٹوئٹ کرتے ہوئے کہاکہ وہ باقاعدہ خالہ بن گئی اور اس پر اللہ کے شکر گزار ہیں۔
خیال رہے کہ بختاور بھٹو زرداری کی بزنس مین محمد یونس کے صاحبزازے محمود چودھری سے منگنی نومبر 2020 میں ہوئی تھی جبکہ دونوں کا نکاح اور رخصتی 29 جنوری 2021 کو ہوئی تھی۔
