چین میں کرونا وائرس سے ہلاکتوں کی تعداد 360 ہوگئی ہے جو دو دہائی پہلے SARS سے ہونے والی ہلاکتوں سے کہیں زیادہ ہیں۔
عالمی ادارہ صحت نے اس بحران کو صحت کے حوالے سے عالمی ہنگامی صورتحال قرار دیا ہے اور اس وائرس سے چین سے باہر فلپائن میں پہلی ہلاکت کی اطلاع ملی ہے۔
ووہان میں حکومت انتہائی کم وقت میں غیر معمولی طورپر دو نئے ہسپتال تعمیر کررہی ہے۔
ان میں سے دس دن پہلے کرونا وائرس کے منظر عام پر آنے کے بعد ایک ہزار بستروں پر مشتمل ہسپتال کا افتتاح آج کیا جارہا ہے۔
