ڈینگی

پختونخوا میں ڈینگی سے متاثرہ مریضوں کی تعداد 5 ہزار سےمتجاوز

ویب ڈیسک (پشاور) پختونخوا کے مختلف اضلاع بشمول پشاور میں سو افراد میں ڈینگی وائرس کی تشخیص کردی گئی ہے اس وقت ڈینگی مچھروں سے متاثرہ افراد کی تعداد 5 ہزار107 ہو گئی ہے جن میں سے فعال مریضوں کی تعداد 1 ہزار683 شمار کی گئی ہے، گزشتہ چوبیس گھنٹے کے دوران ایبٹ آباد میں 6 افراد متاثرہوئے ہیں جس کے بعد مریضوں کی مجموعی تعداد 112 ہو گئی ہے ۔ چارسدہ میں 5، دیر لوئر میں 1، ہنگو میں 4 ، ہری پور میں 15، لکی مروت میں 3، ملاکنڈ میں 2، مردان میں 10، مہمند میں 2 ،نوشہرہ میں 11، پشاور میں 35 اور شانگلہ میں 5 نئے مریض رپورٹ کئے گئے ہیں ۔

یہ بھی پڑھیں:ڈینگی مچھر خواتین، بچوں اور موٹے افراد کو زیادہ کاٹتاہے

رپورٹ کے مطابق خیبر ٹیچنگ ہسپتال پشاور میں 77 ، ایل آر ایچ میں 23 ، حیات آباد میڈیکل کمپلیکس پشاور میں 8 ، نارتھ ویسٹ جنرل ہسپتال میں 14 ، ایوب ٹیچنگ ہسپتال ایبٹ آباد میں 16 ، خلیفہ گل نواز ٹیچنگ ہسپتال میں 1، مفتی محمود ٹیچنگ ہسپتال ڈی آئی خان میں 3، مردان میڈیکل کمپلیکس میں 15، کنگ عبداللہ ٹیچنگ ہسپتال مانسہرہ میں 18 ، قاضی حسین احمد میڈیکل کمپلیکس نوشہرہ میں 10 اور سیدو گروپ آف ٹیچنگ ہسپتال میں 8 مریضوں کو میڈیکل وارڈز میں داخل کرایا گیا ہے ۔

اسطرح ڈی ایچ کیو ہسپتال ایبٹ آباد میں 5 ڈی ایچ کیو ہسپتال ڈگر بونیر میں 3 ، ڈی ایچ کیو ہسپتال چارسدہ میں 5، ڈی ایچ کیو ہسپتال ہری پور میں 28 ،ڈی ایچ کیو ہسپتال کوہاٹ میں 9 اور ڈی ایچ کیو ہسپتال نوشہرہ میں ڈینگی سے متاثرہ 9 افراد کو زیرعلاج رکھا گیا ہے ۔