6 بچے جاں بحق

ایبٹ آباد میں خاتون کے ہاں بیک وقت پیدا ہونے والے 7 میں سے 6 بچے جاں بحق

ویب ڈیسک :ایبٹ آباد میں گزشتہ ہفتے ایک خاتون کے ہاں 7 بچوں کی پیدائش ہوئی تھی تاہم ایک ہفتہ گزرنے کے بعد 6 بچے ہلاک ہوچکے ہیں جب کہ ساتواں بچہ وینٹیلیٹر پر موجود ہے۔

یہ بھی پڑھیں:کوہاٹ میں میاں بیوی، بیٹی سمیت قتل

بچوں کے والد کا کہنا ہے کہ بچوں کی پیدائش کے بعد ہمیں کہا گیا تھا کہ 5 بچوں کی حالت تسلی بخش ہے تاہم 2 بچوں کو وینٹیلیٹر پر رکھا گیا ہے لیکن پیدائش کے ایک دن بعد پہلے بچے کی موت ہوگئی اور تھوڑی دیر بعد ایک اور بچہ جان کی بازی ہار گیا جب کہ اس ہی رات مزید 3 بچے مرگئے۔
بچوں کے والد کے مطابق بچوں کی ہلاکت کے بعد جب ہم نے شور مچایا تو کہا گیا کہ بچوں کو پمز اسلام آباد منتقل کیا جارہا ہے تاہم تھوڑی دیر بعد کہا گیا کہ دیگر 2 بچوں کو ایبٹ آباد میں ہی ایوب ٹیچنگ اسپتال منتقل کیا جارہا ہے، ہمیں بتایا جائے کہ بچوں کی موت کیسے ہوئی اور جو ایک چہ زندہ ہے اس کو علاج کی بہتر سہولتیں فراہم کی جائیں۔

مزید دیکھیں :   سانحہ پشاور، 36 گھنٹے بعد بھی معمہ حل نہ ہو سکا