ویب ڈیسک: اسرائیل دنیا بھر سے نئے آنے والے یہودیوں کی نئی بستیاں بسانے کیلئے فلسطینیوں کے کھیت کھلیان ہی نہیں اجاڑ رہا بلکہ ان بستیوں کی زد میں آنے والے قبرستانوں کو بھی بلڈوز کیا جارہا ہے۔ اسرائیل کے اس ظالمانہ اقدام کے خلاف احتجاج کرنے والے فلسطینیوں کو بے رحمی سے کچلا جا رہا ہے۔ ایسی ہی ایک بستی کی زد میں آنے والے قبرستان کو جب اسرائیلی سیکیورٹی فورسز نے بلڈوز کرنا شروع کیا تو ایک فلسطینی خاتون اپنے بیٹے کی قبر سے لپٹ گئی ۔اس حوالے سے سوشل میڈیا پر گردش کرنے والی ایک ویڈیومیں دیکھا جا سکتا ہے کہ ایک فلسطینی خاتون اپنے بیٹے کی قبر کو مسمار ہونے سے بچانے کے لئے اسرائیل کی سیکیورٹی فورسز کے اہلکاروں کے ساتھ لڑ رہی ہے۔
ویڈیو میں فلسطینی خاتون کو کہتے سنا جا سکتا ہے کہ وہ کسی صورت اپنے بیٹے کی قبر نہیں چھوڑے گی اسے بھی یہیں دفنا دیا جائے۔