ویب ڈیسک: برازیل میں ایک چھوٹا طیارہ گر کر تباہ ہو گیا، حادثے میں ایک معروف گلوکارہ سمیت 4 افراد ہلاک ہو گئے ہیں۔
غیر ملکی خبر رساں ادارے کی رپورٹ کے مطابق 26 سالہ میریلیا گزشتہ سال برازیل میں سب سے زیادہ سنی جانے والی گلوکارہ تھیں۔
رپورٹ کے مطابق حکام کی جانب سے جاری بیان میں کہا گیا ہے کہ ہوائی جہاز زمین سے ٹکرانے سے قبل کمپنی کی ملکیت بجلی کی تقسیم لائن سے ٹکرایا تھا، حادثے کی وجوہات کی تحقیقات جاری ہیں۔
دوسری جانب برازیل کے صدر جیر بولسونارو نے ٹوئٹر پر کہا کہ اس خبر سے پورا ملک غم زدہ ہے۔ مینڈونکا آج کی نسل کے عظیم ترین فنکاروں میں سے ایک ہیں۔ ہمیں ایسا لگتا ہے جیسے ہم نے اپنے بہت قریبی شخص کو کھو دیا ہے۔
