ویب ڈیسک( تیمرگرہ ) دونوں پائوں سے معذور بلامبٹ شاٹئی درہ کے رہائشی 68 سالہ بزرگ موچی محمد امین بلامبٹ بازار میں گزشتہ 40 سالوں سے جوتے مرمت کرنے کا کام کرکے اپنے 10بچوں کا پیٹ پال رہا ہے ، مہنگائی کے اس دور میں صحت مند غریب لوگ بھی بھیک مانگنے پرمجبور ہیں لیکن اس معاشرہ میں ایسے خود دار معذور افراد بھی موجود ہیں جوکہ معذوری کے باوجود کسی کے سامنے ہاتھ نہیں پھیلاتے اور کسی پر بوجھ نہیں بننا چاہتے ، ایسی ہی ایک مثال بلامبٹ بازار میں دونوں ہاتھوں سے معذور موچی محمد امین ہے اس حوالے سے 68سالہ بزرگ اور دونوں پائوں سے پیدائشی معذور موچی محمد امین نے مشرق کو بتایا
کہ وہ کم عمری میں کراچی گئے تھے جہاں پر انہوں نے بھیک مانگنے کے ساتھ مختلف جگہوں پر کام بھی کیا تاہم معذوری کے باعث وہ کام کے قابل نہیں تھے اور کسی کے سامنے ہاتھ پھیلانا ان کا ضمیر گوارہ نہیں کرتا تھا اس وجہ سے انہوں نے اپنے بچوں کا پیٹ پالنے کے لئے پرانے جوتے مرمت کرنے کا کام سیکھ کر کراچی میں جوتے مرمت کرنا شروع کردیا تاہم کچھ عرصہ بعد وہ گھر لوٹ آئے اور انہوں نے آبائی علاقہ بلامبٹ بازار میں پرانے جوتے مرمت کرنے شروع کر دیئے وہ گزشتہ چا لیس سالوں سے جوتے مرمت کا کام کرکے اپنے بچوں کو پال رہے ہیں اور وہ اپنی اوقات پر بہت خوش ہے اور اللہ تعالیٰ کا شکر ادا کرتے ہیں۔
