ویب ڈیسک: پشاور کے پوش علاقے حیات آباد کے تھا نہ تاتارا کی حدودفیز سات میں سرچ آپریشن کے دوران پولیس پر فائرنگ کرنے والے ملزم کو پولیس نے گرفتار کرلیا ۔
حیات آباد میں پولیس پارٹی پر فائرنگ ،2اہلکار جاں بحق
واضح رہے کہ اس آپریشن میں 2 پولیس اہلکار جاں بحق ہوگئے تھے جن میں اے ایس آئی ریاض خان اورکانسٹیبل جعفر شامل ہیں ۔اس سلسلے میں انسپکٹر جنرل پولیس معظم جاہ انصاری نے بتایا کہ حیات آباد میں مشتبہ افراد کی موجودگی کی اطلاع تھی، پولیس نے گھر میں داخل ہونے کہ کوشش کی تو اس پر گھر کے اندر سے اشتہاری نے فائرنگ کی گئی. جس سے 2 پولیس اہلکار موقع پر جاں بحق ہوئے۔ انہوں نے بتایا کہ 7 مشتبہ افراد کو اسلحہ سمیت گرفتار کیا گیا ہے. جن سے تفتیش جاری ہے۔
پولیس ذرائع کے مطابق پولیس پر فائرنگ کرنے والے ملزم کو بھی حراست میں لیا گیا ہے. جس کی شناخت حمزہ ولد حسین سکنہ بنوں حال حیات آباد فیز 7 کے نام سے ہوئی ہے. جس کے قبضہ سے جدید خود کار اسلحہ بھی برآمد کر لیا گیا ہے۔