ثانیہ مرزا کی مزاحیہ ویڈیو وائرل

میرے شوہر نے کہا تم بہت اچھی ہو

قومی کرکٹر شعیب ملک اور اْن کی اہلیہ بھارتی ٹینس اسٹار ثانیہ مرزا کی ایک اور مزاحیہ ویڈیو وائرل ہوگئی جس پر شائقین نے دلچسپ تبصرے کئے ۔گزشتہ روز ثانیہ مرزا نے ایک ویڈیو شیئر کی جس میں شعیب ملک کو پیچھے اپنے موبائل میں مصروف دیکھا جاسکتا ہے۔

یہ بھی پڑھیں:چپ کرو، اپنا کام کرو ثانیہ مرزا کا مفت مشورہ دینے والوں کو کرارا جواب

ثانیہ مرزا کہتی ہیں کہ مجھے میرے شوہر نے’ ‘تم بہت اچھی ہو’ ‘کہا اس جملے کے بعد شعیب ملک حیرانی کا اظہار کرتے ہیں۔اپنا جملہ مکمل کرتے ہوئے ثانیہ مرزا کہتی ہیں کہ انہوں نے مجھے کہا کہ ‘تم بہت اچھی ہو غصہ دلانے میں۔اس بات پر شعیب ملک خوش ہوتے ہیں کہ ثانیہ مرزا سچ کہہ رہی ہیں لیکن ثانیہ مرزا کہتی ہیں کہ میں صرف اچھی بات ہی ذہن نشین رکھتی ہوں اور وہ یہ ہے کہ میں بہت اچھی ہوں۔ اس ویڈیو کے کیپشن میں ثانیہ مرزا نے لکھا کہ شعیب ملک کو ایسا لگتا ہے کہ میں ان کے تاثرات نہیں دیکھ سکتی۔

ثانیہ مرزا کی جانب سے شیئر کی جانے والی ویڈیو جہاں مداحوں کو خوب پسند آئی وہیں بھارتی کرکٹر یووراج سنگھ نے بھی اس پر ردعمل دیا اور کہا کہ شعیب ملک کا کہنا درست ہے۔