خیبر پختونخوا میں طویل خشک سالی سے پریشان کسانوں اور بیماریوں سے تنگ عام شہریوں کو محکمہ موسمیات نے آج سے 4 روز تک موسلادھار بارشوں کا سلسلہ شروع ہونے کی خوشخبری سنا دی ہے۔
محکمہ موسمیات کے ماہرین کے مطابق خیبر پختونخوا اور بلوچستان میں مغربی سمت سے بارشیں برسانے والی ہوائوں کا ایک نیا سلسلہ دا خل ہوا ہے گزشتہ شام سے ملک کے مغربی اور بالائی علاقوں میں داخل ہو گیا ہے. جس کے باعث آج سے 6 جنوری کے دوران ملک کے مختلف علاقوں میں تیز ہوائوں کے ساتھ بارش اور پہاڑی علاقوں پر برف باری کی پیش گوئی کی گئی ہے۔
یہ بھی پڑھیں:سال نو کی پہلی برفباری، پہاڑ سفیدی میں چھپ گئے
اس دوران اسلام آباد ،گلگت ،چترال ،سوات ،ملاکنڈ ،کوہستان ،شانگلہ ،مانسہرہ، ایبٹ آباد ،ہری پور، صوابی ،مردان، نوشہرہ، چارسدہ ،باجوڑ ،کرم ،وزیرستان ،کوہاٹ اور پشاور سمیت دوسرے علاقوں میں تیز ہوائیں چلنے اور اس کے نتیجے میں بارش بھی ہونے کا امکان ہے۔