خیبرپختونخوا فوڈ سیفٹی اتھارٹی کی جانب سے پشاور میں کارروائی کی گئی ہے۔
تفصیلات کے مطابق خیبرپختونخوا فوڈ سیفٹی اتھارٹی نے پشاور کے علاقے پچگی روڈ پر خفیہ اطلاع پر گھر کے اندر جعلی گڑ تیار کرنے والے یونٹ پرچھاپہ مارتے ہوئے بڑی مقدار میں ملاوٹ شدہ مضر صحت گڑ برآمد کرلیا ۔ کارروائی کے نتیجے میں 1400 کلو چینی، مضر رنگ اور خراب گڑ ضبط کیا گیا ہے۔
ڈی جی فوڈ سیفٹی اتھارٹی کا کہنا ہے کہ یونٹ میں گنے کے بجائے چینی، خراب گڑ اور مضر صحت رنگوں کی مدد سے گڑ تیار کیا جارہا تھا۔