پاکستان کرکٹ بورڈ (پی سی بی) کے چیئرمین رمیز راجہ نے جمعہ کو پاکستان ٹی ٹوئنٹی ورلڈ کپ اسکواڈ کے اعزاز میں تقریب منعقد کرنے کا منصوبہ بنایا ہے۔
میڈیا رپورٹس کے مطابق چیئرمین رمیز راجہ نے جمعے کے روز پاکستان کی ٹی ٹوئنٹی ورلڈ کپ اسکواڈ کو لاہور میں مدعو کیا ہے جہاں وہ میگا ایونٹ میں ٹیم کی کارکردگی پر کھلاڑیوں کو شاباش دیں گے۔
یہ بھی پڑھیں: کرکٹ کا بہترین انفراسٹرکچر بنانا 2022 میں ترجیح ہوگی
یہ بھی پڑھیں: محمد حفیظ کا انٹرنیشنل کرکٹ سے ریٹائرمنٹ لینے کا اعلان
رپورٹس میں بتایا گیا ہے کہ پاکستان کے سابق کپتان کی جانب سے تقریب میں کھلاڑیوں کو نقد انعامات دینے کی بھی توقع ہے۔
واضح رہے کہ کپتان بابر اعظم کی قیادت میں پاکستان کرکٹ ٹیم نے ٹی ٹونٹی ورلڈ کپ 2021 میں لگاتار پانچ میچوں میں شاندار جیت حاصل کر کے سیمی فائنل میں جگہ بنائی اور روایتی حریف بھارت کو 10 وکٹوں سے شکست دی تھی، تاہم آسٹریلیا کے ہاتھوں سیمی فائنل میں باہر ہوگئی۔
