غیر قانونی طور پر گیس پریشر بڑھانے کیلئے کمپریسر استعمال کرنے پر 600 گیس کنکشن منقطع کر دیئے گئے، گیس کمپریسر استعمال کرنے والے نانبائیوں، کمرشل اور گھریلو صارفین کیخلاف آپریشن میں سینکڑوں گیس کنکشن منقطع کر دیئے گئے، گیس بحران پر قابو پانے کے لئے محکمہ سوئی گیس کی جانب سے تشکیل کردہ ٹیموں نے گیس کمپریسر استعمال کرنے والے صارفین کے خلاف آپریشن شروع کر دیا گیا شہر کے بیشتر علاقوں میں نانبائیوں کی جانب سے گیس کمپریسر کا استعمال کیا جا رہا ہے جس سے گھریلو صارفین کو شدید مشکلات کا سامنا کرنا پڑ رہا ہے
جبکہ اکثر گھروں میں بھی کمپریسر استعمال ہونے کی شکایات ہیں جس پر محکمہ سوئی گیس کی ٹیموں نے شہر کے مختلف علاقوں میں گیس کمپریسر استعمال کرنے والے گھریلو و کمرشل صارفین کے خلاف چھاپہ مار کارروائیاں تیز کرتے ہوئے 600 گیس کنکشن منقطع کردیئے، مذکورہ صارفین کے گیس میٹرز کو لیبارٹری رپورٹ کیلئے بھجوا دیا گیا اور لیب رپورٹ کی روشنی میں مزید محکمانہ کارروائی عمل میں لائی جائے گی۔
