پاکستان نے پیر کے روز سری لنکن شہری پریانتھا کمارا کی بیوہ کو ایک لاکھ ڈالر مالیت کے فنڈز اور پہلی تنخواہ منتقل کر دی ہے۔
تفصیلات کے مطابق پاکستان تحریک انصاف (پی ٹی آئی) کی آفیشل ٹوئٹر اکاؤنٹ پر جاری کردہ ایک بیان کے مطابق سری لنکن شہری پریانتھا کمارا کی بیوہ کے بینک اکاؤنٹ میں ایک لاکھ ڈالر مالیت کے فنڈز اور 1,667 ڈالر کی پہلی تنخواہ منتقل کردی گئی ہے۔
یہ بھی پڑھیں: مقتول سری لنکن منیجر کا مکان سیل
یہ بھی پڑھیں: افسوس ! پریانتھا کی جان نہیں بچا سکا
وزیر اعظم عمران خان نے پریانتھا کمارا کی بیوہ کے اکاؤنٹ میں ایک لاکھ ڈالر منتقل کرنے پر تاجر برادری کا شکریہ ادا کیا ہے۔ انہوں نے کہا کہ پریانتھا کمارا کی بیوہ کو ماہانہ تنخواہ بھجوانے اور دس سال تک جہ سلسلہ جاری رکھنے کے فیصلے پر راجکو انڈسٹریز بھی تحسین کی مستحق ہے۔
یاد رہے کہ پچھلے سال، پریانتھا کمارا کو سیالکوٹ میں توہین مذہب کے الزام میں وحشیانہ طریقے سے مارا گیا۔