کورونا کا شکار گلوکارہ انتقال

قصداً کورونا کا شکار ہونے والی گلوکارہ انتقال کرگئیں

جمہوریہ چیک کی لوک گلوکارہ ہانا ہورکا کورونا کی وجہ سے انتقال کرگئیں۔میڈیا کے مطابق 57 سالہ ہانا ہورکا نے کورونا ویکسین نہیں لگائی اور جان بوجھ کر کورونا کا شکار ہوئی جس کے بعد انہوں نے سوشل میڈیا پر پوسٹ کیا تھا کہ وہ ویکسین نہ لگوانے کے باوجود کورونا سے صحت یاب ہو رہی ہیں لیکن دو دن بعد ان کی موت ہوگئی۔

گلوکارہ کے بیٹے نے بتایا کہ میں اور والد کورونا کا شکار ہوئے تاہم ہم دونوں نے مکمل ویکسین لگوائی البتہ ان کی والدہ نے فیصلہ کیا تھا کہ وہ کورونا ویکسین نہیں لگوائیں گی اور ایسے ہی ہمارے ساتھ رہیں گی۔بیٹے نے بتایا کہ جس دن ان کی موت ہوئی ہانا ہورکا بہتر محسوس کر رہی تھی لیکن پھر ان کی کمر میں درد ہونے لگا تو وہ اپنے بیڈ روم میں لیٹ گئی جہاں 10 منٹ بعد ان کا انتقال ہوگیا۔انہوں نے کہا کہ والدہ کے ساتھ ویکسین لگوانے کی بات کرنے کی کوشش کرنے کا کوئی فائدہ نہیں تھا کیونکہ وہ بہت زیادہ جذباتی تھیں تاہم انہوں نے امید ظاہر کی کہ میں اپنی کہانی سنا کر دوسروں کو نہ ویکسین لگوانے کے لیے قائل کر سکتی ہوں ۔ جمہوریہ چیک میں کورونا کیسز کی تعداد روزانہ نئی بلند ترین سطح پر پہنچ رہی ہے۔