بجلی کی قیمتوں میں اضافہ

حکومت کا عوام پر ایک بار پھر بجلی بم گرانے کا فیصلہ

حکومت نے بجلی کی قیمتوں میں 3 روپے 12 پیسے فی یونٹ اضافے کا امکان ہے۔

سنٹرل پاور پرچیزنگ ایجنسی (سی پی پی اے) نے بجلی کی قیمتوں میں اضافے کی درخواست کردی جس پر نیشنل الیکٹرک پاور ریگولیٹری اتھارٹی (نیپرا) میں کل سماعت ہوگی۔ قیمت میں اضافے کی صورت میں صارفین پر30 ارب سے زائد کا اضافی بوجھ پڑے گا۔ سی پی پی اے نے دسمبر کے ماہانہ فیول ایڈجسٹمنٹ کی مد میں درخواست دیتے ہوئے کہا کہ دسمبر2021 میں 8 ارب 52 کروڑ یونٹ بجلی پیدا ہوئی، جس کی پیداواری لاگت 73 ارب 84 کروڑ روپے رہی۔

مزید پڑھیں:  امریکی ڈالر کی قدر میں اضافہ، 278 روپے 70 پیسے پر ٹریڈ کرنے لگا

سی پی پی اے نے کہا کہ 22 روپے 24 پیسے میں فرنس آئل سے مہنگی ترین بجلی پیدا کی گئی، ایل این جی سے 17 روپے 80 پیسے فی یونٹ، ڈیزل سے ‏14 روپے 8 پیسے، کوئلے سے 13 روپے 31 پیسے فی یونٹ بجلی پیدا ہوئی، جبکہ ایران سے 13 روپے 26 پیسے فی یونٹ میں بجلی درآمد کی گئی۔ لہذا فیول ایڈجسٹمنٹ کی مد میں قیمتوں میں 3 روپے 12 پیسے فی یونٹ اضافہ کیا جائے۔

مزید پڑھیں:  ایم پی اے فضل الٰہی ایک بار پھر پیسکو گرڈ سٹیشن میں گھس گئے ،4فیڈز چالو کرائے