پینٹاگون میں اچانک ایک مرغی کی آمد نے ہلچل مچا دی۔ مرغی کو پکڑ کے جانوروں کے تحفظ کے محکمے کے حوالے کردیا گیا۔
دنیا کے سب سے زیادہ سخت سیکورٹی والے علاقوں میں شامل امریکی محکمہ دفاع کے دفاتر یعنی پینٹاگون کی سیکورٹی ایک مرغی نے توڑ دی۔ پینٹاگون میں اچانک ایک مرغی نظرآئی تو ہلچل مچ گئی۔ بے فکری سے ہائی سیکورٹی زون میں گھومتی مرغی کو پکڑنے کے لئے عملے کی دوڑیں لگ گئیں۔
یہ بھی پڑھیں:ناسا نے عالمی خلائی اسٹیشن کو 2031 میں گرانے کا اعلان کردیا
کافی کوششوں کے بعد مرغی کو پکڑ کر جانوروں کے تحفظ کے محکمے کے حوالے کردیا گیا۔ یہ پتا نہیں چل سکا کہ مرغی پینٹاگون کے دفاتر کے علاقے میں کیسے اورکہاں سے آئی۔ حکام نے یہ بھی نہیں بتایا کہ مرغی کو پینٹاگون کے کون سے حصے سے پکڑا گیا۔