قومی ٹیم کے سابق کپتان شاہد آفریدی نے دبئی میں اپنا ریسٹورینٹ کھولنے کا فیصلہ کیا ہے۔
انسٹاگرام پر شاہد آفریدی کی جانب سے شیف جیکٹ پہنے ایک مختصر ویڈیو شیئر کی گئی ہے جس میں منفرد بات یہ ہے کہ چوکے چھکوں سے بولرز کے پسینے نکالنے والے شاہد آفریدی ہاتھ میں بلے کے بجائے چھری تھامے ہوئے ہیں۔ چند سیکنڈز پر مشتمل ویڈیو میں شاہد آفریدی کو شیف جیکٹ میں ماہر شیف کی طرح ٹماٹر کاٹتے دیکھا جاسکتاہے۔
میڈیا رپورٹس کے مطابق شاہدی آفریدی دبئی میں لالا دربار کے نام سے ریسٹورینٹ کھول رہے ہیں اور ان کا ریسٹورینٹ مقامی لوگوں کو دیسی کھانے پیش کرے گا۔آفریدی نے اپنی پوسٹ میں لکھا کہ بڑے اعلان کے ایک قدم اور قریب، مزید تفصیلات سے جلد آگاہ کیا جائے گا۔پوسٹ میں کہا گیا کہ اپنے ذائقے کو ٹرپل تڑکا دینے کے لیے تیار ہوجائیں۔
