کامیاب پاکستان پروگرام کے تحت وزیراعظم عمران خان آج بلاسود قرضوں کے اجرا کا آغاز کرینگے۔
ذرائع کے مطابق وزیراعظم عمران خان آج کامیاب پاکستان پروگرام کے تحت بلاسود قرضوں کے اجرا کا آغاز کرینگے جو وزیراعظم کے تخفیف غربت منصوبے کا حصہ ہے۔
یہ بھی پڑھیں:حکومت میں آتے ہی پیکج دینا چاہیئے تھا: وزیر اعظم کا انڈسٹریل پیکیج کا اعلان
تقریب فیصل مسجد اسلام آباد میں منعقد کی جائیگی جس سے وزیراعظم عمران خان خطاب بھی کرینگے۔
اس پروگرام میں نوجوانوں،خواتین،کسانوں کوبلاسود قرضے دینے کے علاوہ کم لاگت گھروں کی تعمیر اور کاروبار کیلئے بھی قرضے دیئے جائیں گے۔ دو سالوں کے دوران اس پروگرام کے تحت 407 ارب روپے کے قرضےفراہم کئے جائیں گے اور اس مدت میں حکومت 56 ارب روپے کی سبسڈی فراہم کرے گی۔ کامیاب پاکستان پروگرام کا بنیادی مقصد ریلیف اورمعاشی نمو کو فروغ دینا ہے۔
