بھارت کے لیجنڈری موسیقاراورمیوزک کمپوزر بپی لہری کی موت کے بعد سوشل میڈیا پر ان کی پوسٹ سامنے آئی ہے، پوسٹ دیکھ کر ان کے مداحوں میں خوشی کی لہر دوڑ گئی۔
تفصیلات کے مطابق گزشتہ ماہ انتقال کرجانے والے بھارت کے مایہ ناز گلوکار و میوزک کمپوزر بپی لہری کے انسٹاگرام پر پہلی پوسٹ شیئر کی گئی ہے۔ بپی لہری کی اچانک موت نے بھارتی میوزک انڈسٹری کو سوگوار کردیا تھا تاہم اب ان کی یاد میں پہلی بار ان کے آفیشل انسٹاگرام ہینڈل پر اُنہیں خراجِ عقیدت پیش کیا گیا ہے۔
گلوکار کے انسٹاگرام اکاؤنٹ پر اُن کی ایک تصویر شیئر کی گئی ہے جس میں اُن کے سونے کی گھڑی، بریسلیٹ اور انگوٹھیوں کو نمایاں کیا گیا ہے۔اس تصویر کے کیپشن میں لکھا گیا کہ میراث ہمیشہ کے لیے زندہ رہتی ہے۔
واضح رہے بپی لہری کو بالی ووڈ کا راک اسٹار کہا جاتا تھا، بپی لہری سینے میں انفیکشن کے باعث ممبئی کے کریٹی کیئر اسپتال میں داخل تھے۔ 15فروری کو بپی لہری نے اپنی زندگی کی آخری سانسیں لیں۔
