خیبر پختونخوا کے دارالحکومت پشاور میں پولیس اسٹیشن خان رازق شہید کی حدود میں نامعلوم شخص نے فائرنگ کرکے ایک خواجہ سرا کو قتل کر دیا ہے۔
تفصیلات کے مطابق پشاور میں خیبر بازار چوکی کی حدود جنگی محلہ ندیم ٹریڈ سنٹر میں دوکان نمبر 109، عظیم اللہ نامی شخص کی دوکان پر فائرنگ ہوئی۔
یہ بھی پڑھیں: دوسری شادی کرنے پر بیٹوں نے والد کو قتل کر دیا
پولیس حکام کا کہنا ہے کہ دکان پر فائرنگ کرنے کے نتیجے میں ایک شخص جاں بحق ہوا ہے۔ انہوں نے کہا کہ مقتول کی شناخت ناصر عرف مانو نامی خواجہ سرا سے ہوئی ہے۔
پشاور پولیس نے مزید کہا کہ واقعے کی ایف آئی آر درج کر کے مزید کارروائی شروع کردی گئی ہے۔