سپریم کورٹ آف پاکستان نے ‘سندھ ہاؤس’ پر حملے کا ازخود نوٹس لے لیا ہے۔
ذرائع کے مطابق چیف جسٹس عمر عطا بندیال نے وفاقی دارالحکومت میں نقص امن اور سرکاری املاک پر حملے پر از خود نوٹس لے لیا ہے، سپریم کورٹ میں سندھ ہاؤس حملہ کیس کی سماعت آج ایک بجے ہوگی۔
بطور چیف جسٹس سپریم کورٹ آف پاکستان جسٹس عمر عطا بندیال نے پہلا از خود نوٹس لیا اور اٹارنی جنرل کو نوٹس جاری کردیا ہے۔ مذکورہ از خود نوٹس سپریم کورٹ بار کونسل کی جانب سے دائر درخواست پر لیا گیا ہے، جس کی سماعت کورٹ روم نمبر ون میں ہوگی، 183/3 کے تحت سپریم کورٹ کو یہ اقدام اٹھایا۔