پاکستان کرکٹ ٹیم کے کھلاڑیوں نے انٹرنیشنل کرکٹ کونسل (آئی سی سی) ایوارڈز وصول کرلیے ہیں، جن میں کپتان بابر اعظم، وکٹ کیپر بلے باز محمد رضوان اور تیز گیند باز شاہین شاہ آفریدی شامل ہیں۔
تفصیلات کے مطابق پاکستانی کپتان بابر اعظم نے ون ڈے کرکٹر آف دی ائیر کا ایوارڈ، وکٹ کیپر بلے باز محمد رضوان نے ٹی ٹوئنٹی کرکٹر آف دی ائیر کا ایوارڈ اور شاہین شاہ آفریدی نے کرکٹر آف دی ائیر 2021 کا ایوارڈ حاصل کیا ہے۔
یہ بھی پڑھیں: رمیز راجہ کا ایشین کرکٹ کونسل کے اجلاس میں شرکت نہ کرنے کا فیصلہ
رضوان نے سماجی رابطے کی ویب سائٹ ٹوئٹر پر کپتان بابر اعظم اور شاہین آفریدی کے ہمراہ ایوارڈ ہاتھ میں پکڑے ہوئے تصویر شیئر کی اور دونوں کو مبارکباد دی۔