دبئی: قومی ٹیم کے کپتان بابر اعظم کی ون ڈے رینکنگ میں حکمرانی برقرار ہے جبکہ امام الحق بھی تیسری پوزیشن پر پہنچ گئے ہیں۔
انٹرنیشنل کرکٹ کونسل (آئی سی سی) کی جانب سے جاری کردہ ون ڈے کی درجہ بندی کے مطابق پاکستانی ٹیم کے کپتان بابر اعظم نے پہلی پوزیشن برقرار رکھتے ہوئے سابق بھارتی بلے باز سچن ٹنڈولکر کو پیچھے چھوڑ دیا ہے۔
عالمی نمبر ایک بلے باز نے اپنی پوزیشن مزید مستحکم کر لی ہے اور ان کے ریٹنگ پوائنٹس کی تعداد 891 ہو گئی ہے۔
ان ریٹنگ پوائنٹس کے ساتھ ہی بابراعظم نے سابق عظیم بلے باز سچن ٹنڈولکر اور آسٹریلین لیجنڈ مائیکل بیون دونوں کو پیچھے چھوڑ دیا ہے