کرکٹرز کے کنڈیشنگ کیمپ

کرکٹرز کے کنڈیشنگ کیمپ کا پہلا مرحلہ شروع

قومی کرکٹرز کے نیشنل ہائی پرفارمنس سینٹر لاہور میں کنڈیشنگ کیمپ کا پہلا مرحلہ شروع ہو گیا ہے، کپتان بابر اعظم بیرون ملک ہونے کی وجہ سے شریک نہیں ہیں۔ کیمپ کے ابتدائی روز تعارفی سیشن میں کوچز نے لیکچرز دیئے، لیکچرز میں قومی کرکٹ ٹیم کے بیٹنگ کوچ محمد یوسف، بالنگ کوچ شان ٹیٹ اور فیلڈنگ کوچ عبدالمجید نے کھلاڑیوں کو کیمپ کا مقصد واضح کیا۔سابق کرکٹر مشتاق احمد اور این ایچ پی سی کے کوچ عمر رشید نے بھی تعارفی سیشن میں شرکت کی اور اس موسم میں کھلاڑیوں کو کنڈیشنگ کیمپ کی اہمیت کے بارے میں بتایا۔ کپتان بابر اعظم بیرون ملک مصروفیات اور زاہد محمود والدہ کی وفات کے باعث جمعہ کو کیمپ جوائن کریں گے۔کیمپ کے دوسرے روز کھلاڑی نیٹ سیشنز میں شرکت کریں گے۔پاکستان کرکٹ بورڈ نے دو مرحلوں میں کنڈیشنگ کیمپ لگانے کا فیصلہ کیا ہے پہلا مرحلہ 25 مئی تک جاری رہے گا جس میں 27 کھلاڑیوں کو مدعو کیا گیا ہے۔

مزید دیکھیں :   پولیس کا انوکھا کارنامہ، 6 سال قبل وفات پا جانے والے پر ایف آئی آر کاٹ دی