وزیر اعظم شہباز شریف نے کہا ہے کہ پی ٹی آئی کی حکومت نے اپنے تقریباً4سال کے دور میں 20 ہزار ارب روپے کے قرضے لیے جو کہ 1947سے لیے گئے قرضوں میں80فیصد اضافہ ہیں، ہفتہ کو ایک ٹویٹ میں وزیراعظم نے کہا کہ کیا وہ ان قرضوں سے شروع کیا جانے والا کوئی ایک بھی منصوبہ دکھا سکتے ہیں.
لوگ اس کا جواب چاہتے ہیں۔ انہوں نے کہا کہ خطاب کیلئے مدعو کرنے پر کراچی کی تاجر برادری کا شکریہ ادا کرتا ہوں ۔ وزیراعظم نے کہا کہ میں نے پرتعیش اشیائکی درآمد پر پابندی کی وجوہات ، زرمبادلہ کی بچت، ڈالر کے استحکام، سماجی عدم توازن کے خاتمے اور مقامی صنعتی شعبے کو مضبوط بنانے کے لئے اقدامات سے تاجر برادری کوتفصیلی طور پر آگاہ کیا۔
