شاہد آفریدی یاسین ملک

شاہد آفریدی بھی یاسین ملک کی حمایت میں میدان کود پڑے

قومی کرکٹ ٹیم کے سابق کپتان شاہد آفریدی نے حریت رہنما یاسین ملک کے حق میں سوشل میڈیا پر پیغام جاری کیا ہے۔شاہد آفریدی نے اپنے ٹوئٹ میں کہا کہ بھارت کی انسانی حقوق کی صریح خلاف ورزیوں کے خلاف تنقیدی آوازوں کو خاموش کرنے کی مسلسل کوششیں بے سود ہیں۔

انہوں نے کہا کہ یاسین ملک کے خلاف من گھڑت الزامات کشمیر کی جدوجہد آزادی کو نہیں روکیں گے۔سابق کرکٹر نے اقوام متحدہ سے اپیل کرتے ہوئے کہا کہ اقوام متحدہ کشمیری رہنماں کے خلاف غیر منصفانہ اور غیر قانونی ٹرائلز کا نوٹس لے۔واضح رہے کہ بھارت کی خصوصی عدالت ان پر بغاوت، وطن دشمنی، دہشت گردی کے لیے رقوم حاصل کرنے اور دہشت گردی میں ملوث ہونے کی فرد جرم 19 مئی کو عائد کر چکی ہے جس میں یاسین ملک کو آج عمر قید کی سزا سنائی جا سکتی ہے۔

مزید دیکھیں :   انٹر مارکیٹ میں ڈالر سستا، روپے کی قدر میں بہتری

اس سے قبل 10 مئی کوآن لائن سماعت کے دوران یاسین ملک نے کہا تھا کہ مجھے بھارت میں عدل و انصاف کی کوئی توقع نہیں اس لیے میں کیس کی پیروی نہیں کروں گا۔انہوں نے واضح کیا تھا کہ میں کشمیر کی آزادی کے لیے اسی طرح پرامن جدوجہد کر رہا ہوں جس طرح گاندھی، قائد اعظم محمد علی جناح اور بھگت سنگھ نے آزادی کی جدوجہد کی تھی۔