یاسین ملک کی سزا کا معاملہ

پاکستان نے یاسین ملک کی سزا کا معاملہ عالمی سطح پر اُٹھادیا

اسلام آباد:(مشرق نیوز) وزیرخارجہ بلاول بھٹو زرداری نے حریت رہنما یاسین ملک کی سزا کیخلاف اقوام متحدہ کے سیکریٹری جنرل کو خط لکھ دیا۔

وزیرخارجہ نے اپنے خط میں یاسین ملک کے خلاف مقدمے کو سیاسی قرار دے دیا۔ وزیرخارجہ بلاول بھٹوزرداری نے خط میں کہا کہ یاسین ملک سے بھارتی جیلوں میں ناروا سلوک رکھ کر عالمی قوانین کی دھجیاں اڑادی گئیں۔

یاسین ملک کے خلاف بھارتی الزامات بے بنیاد ہیں، آزادی کی جدوجہد کو دہشت گردی قرار دینے کی کوشش ہورہی ہے، بھارتی رویے کو اگر مدنظر رکھا جائے تو اس بات کا خدشہ ہے کہ یاسین ملک کو دوران حراست شہید کردیا جائے۔

مزید دیکھیں :   محکمہ تعلیم کی24ہزارآسامیوں پر7لاکھ امیدوار

وزیرخارجہ بلاول بھٹوزرداری نے مطالبہ کیا اقوام متحدہ کے سیکریٹری جنرل مقبوضہ کشمیر کے پرامن حل کے لئے اپنا کردار ادا کریں۔ اقوام متحدہ بھارت پر زور دے کہ وہ بے بنیاد الزامات پر قید تمام کشمیری رہنماؤں کو رہا کرے۔