اسلام آباد: (مشرق نیوز) وفاقی وزیراطلاعات مریم اورنگزیب نے پریس کانفرنس کے دوران کہا کہ کالعدم ٹی ٹی پی سے مذاکرات حکومتی سطح پر ہورہے ہیں۔
مذاکرات میں سول اور ملٹری نمائندگی موجود ہے۔افغان حکومت مذاکرات میں بطور سہولت کار کردار ادا کررہی ہے۔
مریم اورنگزیب کا کہنا تھا کہ کالعدم ٹی ٹی پی سے مذاکرات2021 میں شروع ہوئے تھے، مذاکرات کا دائرہ کار آئینی ہے۔ کمیٹی جو فیصلہ کرےگی اُس کی حتمی منظوری پارلیمان اور حکومت دےگی۔ مریم اورنگزیب نے مزید کہا کہ کالعدم ٹی ٹی پی کے سیزفائر کےفیصلے کا حکومتی سطح پر خیرمقدم کرتے ہیں۔
