ویب ڈیسک: حج فلائٹ آپریشن کے تحت گزشتہ 5 روز کے دوران ساڑھے 8 ہزار پاکستانی عازمینِ حج سعودی عرب پہنچ گئے۔
وزارت مذہبی امور کے ترجمان کے مطابق آج ہفتہ کے روز 5 حج پروازوں سے 15 سو سے زائد عازمینِ حج مدینہ منورہ پہنچائے جائیں گے، عازمینِ حج کو مدینہ منورہ میں 8 روزہ قیام کے بعد مکہ مکرمہ روانہ کیا جائے گا، حج سے قبل 17 ہزار عازمینِ حج مدینہ منورہ کی زیارت مکمل کریں گے۔
ترجمان مذہبی امور کا کہنا ہے کہ حج کے بعد پاکستان روانگی سے 8 دن قبل باقی 15 ہزار عازمینِ حج کو مدینہ منورہ پہنچایا جائے گا، 106 پروازوں پر مشتمل حج فلائٹ آپریشن 30 جون تک لگاتار جاری رہے گا۔
