صوابی( بیورو رپورٹ)نشہ سے منع کرنے پر بیٹے نے باپ کو قتل کر دیا جبکہ سٹیفا نہر میں ڈوبنے سے ایک شخص جاں بحق ہو گیا۔
دختر سر تاج نے پولیس کو بتایا کہ اس کے بھائی فرحان نے اپنے والد سر تاج اور مجھ پر فائرنگ شروع کر دی جس سے والد سر تاج گولیاں لگنے سے جاں بحق ہو گیا جب کہ وہ خود زخمی ہو گئی ۔
رپورٹ میں وجہ عناد یہ بیان کی گئی ہے کہ ملزم نشہ کا عادی تھا جب کہ والد اسے نشہ سے منع کرتا تھا۔ دریں اثنا سٹیفا نہر میں نہانے کے دوران 43سالہ ثنا اللہ سکنہ نواگئی ضلع بونیر ڈوب کر جاں بحق ہو گیا۔ غوطہ خور ٹیم نے لاش نہر سے نکال کر ورثا کے حوالے کر دی۔ دریں اثنا موضع شیخ ڈھیری میں کرنٹ لگنے سے مولانا عبدالباسط جاں بحق ہوگئے ۔
