ڈاکٹر کے گھر پر حملہ

ناصر باغ میں بھتہ نہ دینے پر ڈاکٹر کے گھر پر حملہ

پشاور(جنرل رپورٹر) ڈاکٹر بلال خان ولد رفیع اللہ ساکن ارباب ضیا فلیٹس مراد آباد نے ناصر باغ پولیس کو بتایا کہ ملک عدنان عرف چرہ ساکن ترناب چارسدہ کچھ عرصہ قبل ارباب ضیائ فلیٹس میں رہائش پذیر تھا اور اس سے 1کروڑ روپے کا مطالبہ کررہا تھا.

عدم ادائیگی پر ملزم نے اس کے والد کو فائرنگ کرکے زخمی کردیاتھا جس کا مقدمہ بھی درج ہے جس کے بعد ملک عدنان روپوش ہوگیا اور بعدازاں موبائل فون کے ذریعے 1کروڑ روپے اور ہنڈا گاڑی کا مطالبہ اور سنگین نتائج کی دھمکیاں دینے لگا،

ملزم نے دوبارہ اس کی رہائشگاہ پر فائرنگ کی اور واردات کے بعد چوکیدار سراج ساکن تہکال سے رپیٹر چھین کر فرار ہوگیا۔ واقعہ مبینہ طور پر بھتہ خوری کا شاخسانہ قراردیاجارہاہے تاہم پولیس نے مقدمہ درج کرکے تفتیش شروع کردی ۔

مزید دیکھیں :   رشتے سے انکار پر حوا کی بیٹی تیزاب گردی کا شکار