پشاور ہائیکورٹ جنگلات

پشاور ہائیکورٹ ،جنگلات میں آتشزدگی پر حکومت سے جواب طلب

ویب ڈیسک :پشاور ہائیکورٹ نے خیبر پختونخوا کے جنگلات میں آگ لگنے کے واقعات سے متعلق کیس میں صوبائی حکومت سے جواب طلب کرلیا۔

پشاور ہائیکورٹ میں خیبر پختونخوا کے جنگلات میں آگ لگنے کے حوالے سے کیس کی سماعت ہوئی، سماعت چیف جسٹس قیصر رشید اور جسٹس شکیل احمد نے کی ۔

اس موقع پر عدالت نے صوبائی حکومت کو نوٹس جاری کرتے ہوئے جواب طلب کرلیا اور سماعت 2 اکتوبر تک ملتوی کردی۔

ملک اجمل نامی شخص کی جانب سے دائر کردہ رٹ میں موقف اختیار کیا گیا ہے کہ خیبر پختونخوا کے جنگلات میں آگ لگنے کے واقعات پر جوڈیشل کمیشن تشکیل دیا جائے۔

مزید دیکھیں :   پیٹرولیم مصنوعات پر 50 روپے فی لیٹر لیوی عائد کرنے کی منظوری