سوات(بیورو رپورٹ) اے این پی کے ایم پی اے وقار احمد خان کی وفات پر خالی ہونے والی نشست پی کے سات کبل سوات میں 26 جون کو ہونے والے ضمنی انتخابات کےلئے انتخابی مہم عروج پر ہے۔
اس حلقے سے کل چار اُمیدوار انتخابات میں مد مقابل ہیں لیکن اصل مقابلہ اے این پی کے حسین احمد المعروف خان نواب اور تحریک انصاف کے حاجی فضل مولا کے درمیان ہوگا۔
اے این پی کے اُمیدوار کو ن لیگ، پیپلز پارٹی، جے یو آئی، قومی وطن پارٹی اور پختون خوا میپ کی حمایت حاصل ہے۔ الیکشن کمیشن کی جانب سے بھی ضمنی انتخاب کے لئے تیاریاں مکمل کی ہیں۔
